مـــقـــتــطــــفـــات شــــعـــــريــــــه

يامن سكنت القلب والروح والعين منساك لين الروح تنسى جسدها
انتي مناي وهناي ونتي تعرفين صوتك ينسيني الحياه ونكدها
ايه اعشقك وغليك وبغيك يازين اغلا من غلا الام لولدها
ماحد يحل بمحلك لا تشكين ساره بقلبي ساكنه هي وحدها
غلاك يجري مع دمي بالشرايين حلفت انا ما حط وحده بعدها
تكفين لاتنسين وفاي لك تكفين ترى القلوب الوافيه توفي وعدها
من بعد فرقاك ذقت انا الغبن والبين والنار شبت في ضميري وقدها
منساك لو دارت ايام وشهور وسنين منساك لين الروح تنسى جسدها

أبتديبك ونتهيبك يالحبيب الي بقلبي تمكن وستكن
أبتديبك حب وغلا ولي صحيب ونتهيبك هم وفراق وحزن
أعطف شويه ترى جرحي عطيب أستكن بالقلب وثر بالبدن
أشهدني من عنى وقتي صويب أشتكي من هم ومن ضيقة زمن
ماهقيت الظن في حبك يخيب لين شفت الظيم مع كثرت غبن
عايشً وقتي على الشيئ الغريب كني الي ينتظر رجعت وطن

المشكله في ضميرك سواليف كبرت وطالت على بالك
يامحرف الهرج تحريف ماهي غريبه على أمثالك
أن كان تبغاها على الكيف ماني بواحد من عيالك
مسكين متبهذل على ضعيف يسرح ويمرح بغربالك

أيه أعشقك وبغاك وغليك أنت الوحيد الي شريك بزماني
أتخيلك وشوف كل الحلا فيك ولاشفت منك غير همن طواني
ودي أضم أيدي في راحت أيديك وحضنك وضمك لصدري ثواني

لوني مخاف الله سجت أنا لرضاك وعبدك عباده ولا يمكن أخونك
لوني مخاف الله أقول ويش أنا بلياك وقول العمر مايسوى يازين من دونك
ياليتني ريقك الي تشربه بشفاك أو ليتني رمشك الي ساكن عيونك
أوليتني شعرك الي تلمسه يمناك أوليتني راسك الي تشيله متونك
أوليتني تفكيرك الي بدنياك أو ليتني بشره ملصق بلونك
بعت العذارى من شان أكسب أرضاك هجرتهم من شان خاطر عيونك
أشتاقلك وحتاجلك والله أهواك ورتاح انا لصرت عايش بكونك
أتخيلك ويمرني طيف لاماك الوقت همن لقضيته بدونك

هذي القصيده لها مناسبه وقول :
هذي القصيده سويتها فيك ، مزخرفه من قلب مغليك ، يلي مزايا المرجله كلها فيك
وعذرن عن التقصير يالغالي ، الي منزله دووم عالي :

يابو مسلم بعد طول المغيبه جاتك رسالة كلها شوق في شوق
ترى الصحيب يحن لقفى صحيبه وترى الغلا يجري مع الدم بعروق
أقولها للي غمرني بطيبه الصاحب الي منزله دايم فوق
ماهي غريبه منك ماهي غريبه أسلوبك الحلوه معا حسن منطوق
أهيمبك هيمت حيب لحبيبه العاشق الي هايم بحب معشوق
صداقتي وياك ماهي مريبه ماهي صداقت قوم لاحق وملحوق

هذي القصيده انا ما اعتبرها قصيده اعتبره كلام مقفى بس وفيه خلل بالوزن لاكن مجرد اعجاب في موقف مريت فيه انا :
اسمعيني ياساره ، القلب شبت ناره ، وبيحتي كل اسراره
وش الحياه بدونك
هذا الرشيدي تعذب ، والحب والله يعذب ، لاكن لايمكن يكذب
ما عاش من يخونك
مافي شي غريب ،انك تحب أي حبيب ، بس الي يدور صحيب
وشلون يسلى بدونك
أدري اني ما شفتك ، أيضن ولا بعد عرفتك ، لاكن والله ماعفتك
يمكن أصير مجنونك
ترى المحبه غريبه ، بين الحبيب وحبيبه ، ولا الدروب الصعيبه
ما تحدني دونك
أدري انك تحب ثاني ، لاكن ابي اعرف وين مكاني ، يوم ربي بك بلاني
بصوتك وزينك ولونك
هذا مجرد كلام ، اقوله بكل احترام ، لاكن والله حرام
أعيش عمري بدونك
كتبت الشعر من حبك ، ودوى الجرح من طبك ، ودك تحب الي يحبك
واحد بهالكون ما يخونك
ودي اعرف مدى اعجابك ، يوم ربي لي جابك ، مدامك بأول شبابك
انا بالكون مفتونك
الهم مخلوق معاي ، والضيق يمشي وراي، ياساره وشهو بلاي
مدامني عايش بكونك
حتى الزمن صار ضدي ، عيا يوافق لودي ، مدري وش الي بيدي
مدام عايش بدونك
اعطف عليه ترى ، جرحك بقلبي مابرى ، والي يحبك ترى
يعيش همه بدونك
جيتك ونا كلي غلا ، أرتحت وقلبي سلا ، لاكن والله فلا
اعيش العمر دونك
قبلك حياتي هموم ، والنوم مافيه نوم ، واليوم انا فيك ملزوم
وشلون صرت مفتونك

ياشينها لصرت حاير ومحتاس والفكر شارد والمطايا رديه
وياشينها لصار ماعندك احساس لا تستشار ولا بقلبك حميه
يلي تقيس الناس منته بمقياس أنته ضعيف وفيك حاجه رديه

ياجارح القلب ياجارح
وش الي حصلك البارح
الفكر في غيبتك سارح
ليتك تشوف الحال بغيابك
جالس اناضر بجوالي
محزن وجالس لحالي
مذهول مشغول في بالي
سهران دايم على بابك

يلي تكذب الناس ونت الكذوب مشره عليك ولا على امثالك
ابك انا الي فتحتلك كل الدروب ونته حزين ومنسدح فوق جالك
يلي لبست الثوب والثوب مقلوب عايش حياتك على همك وغربالك
انا الصدوق بكل شي والرجل العذوب ونته على كذبك عايش لحالك

تكفين لا تقولين لحظه فراق متحمل الفرقى لوهي ثواني
غلاك يجري ياحبيبي بالاعماق الله بلاني فيك الله بلاني

ياجريحه لا تخليني جريح ارحميني ياجريحه لو دقايق
ياجريحه في زمن كله شحيح لو اقول ارتاح ماني فيه رايق

ويش اسوي في مشاكل هالزمن أبتلشنا لا صديق ولا رفيق
اليالي خذت منا ولاكن ما عطن غير هم لذكرته كن مافي حلقي ريق

ياقوها صدمه وياشيب عيني صدمه قويه حطمتني ونا حي
ماهي بيديك اليوم ولا بيديني النور ضلم ماشفت بعيني الضي

تقبلو تحياتي